Accéder au contenu principal

NY JAMBES LOURDES

Ny jambes lourdes?
Tsy dia resahina loatra  sady tsy dia tena raharahiana loatra ny jambes lourdes, kanefa dia betsaka ny voan'izy ity. Fa ny vehivavy no tena betsaka voan'izy ity nohon'ny lehilahy, ka andao ary horesahina:

Ny lalan-drà izay mitondra ny rà avy any amin'ny taova mankany amin'ny fo no anton'izy ity. Indraindray dia misy tsy mety kely ny fiasan'io lalan-drà io ka mampiandrona ny rà amin'ny faritra ambanin'ny ranjo ka mahatonga ny jambes lourdes.
Ny fahenoana jamabes lourdes dia matetika ny alina. Tena heno tokoa araka ny anarany ho mavesatra ny ranjo. Indraindray dia toa voly ihany koa.
Ilay fiandronan'ny rà no mahatonga ny fanaintainana. Ary misy karazany maro koa ny fisehon'ny aretina jambes lourdes.
Ny mampalaelo moa dia tsy isika no misafidy ny lalan-drà ananantsika fa ny ray sy reny ihany no manome antsika azy. Raha nisy soritra aretina jambes lourdes ny ray na ny reninao dia betsaka kokoa ny tahamety haharary anao koa. Kanefa dia betsaka koa ny mety ho antony mahatonga izany jamabes lourdes izany. Ny fomba fiainanao andavanandro, ny asa, ny taona, ny lanja diso be loatra ihany koa, ary ny fitondrana vohoka im-betsaka; ireny dia mety itarika any amin'ny fahararian'ny ranjo daholo.
Raha misy ary ny olana eo amin'ny ranjonao ka misalasala ianao hanavaka ny jambes lourdes amin'ny aretina hafa, na havizanana, na fantatrao mihitsy fa jamabes lourdes ilay izy, dia aza misalasala manantona mpitsabo avy hatrany.
Ny fitsaoana azy? voalohany aloha dia mila ovainao mihitsy aloha ny fombafombanao majinijinika izay mety hanohana ny lalan-drà ka tsy hahazoan'ny rà mikoriana tsara: ohatra hoe mitsangana ela loatra, ny akanjo tery loatra, na kiraro na baoty na pataloha, mandro amin'ny rano mafana loatra satria iny dia mampihitatra ny lalan-drà be, ny manala volon-tongotra amin'ny cire izay mafa nihany koa. Raha toa moa ka resaka lanja no antony dia mila manena tena kely ianao.
Ka mba hampikoriana tsara ny rà ary dia mila mandendeha an-tongotra kely ianao, na manao ireny vélo ireny, rehefa matory ianao ny alina dia mba ataovy ambony kokoa ny tongotrao, izany hoe asiana ondana mihitsy ao ambany tongotra ao.
Raha mbola tsy nahomby ihany izay dia mila mihitsy ianao mihinana fanafody. Ka ny dokotera ihany no mahita ny fanafody mety aminao, aza andrasana ela anefa ny fankanesana any amin'ny dokotera satria manjary mihitatra amin'ny aretina hafa indray.

Commentaires

Posts les plus consultés de ce blog

MITONDRA VOHOKA AHO: ireo singa ahafantarana azy

Tsy tonga ny fadimbolana: Rehefa bevohoka ny vehivahy dia ny fadimbolana no tsy miverina intsony raha tsy fotoana lavalava aorian'ny fiterahana indray. Rehefa tsy tonga herinandro izy io dia ny "test de grossesse" no tsara indrindra hanamafisana azy fa tena vohoka tokoa no mahatonga ny fadimbolana tsy tonga indrindra moa fa raha tena ara-potoana foana ny fandehanany talohan'izay. Ireto anefa misy antony vitsivitsy mety ahatara ny fadimbolana nefa: - tara na tsy nisy ny fotoana naha lonaka izay mety ho vokatry ny rarin-tsaina na "stress". Ny ankizivavy vao tonga fotoana voalohany sy ireo vehivavy efa misimisy taona (45ans) - ny fanajanonana ny fandrindram-piterahana   Ireto ary ny singa ahafantarana tokoa fa mitondra vohoka ny vehivevy iray: 1* Mivonto sy somary maharary ny nono:

NY FIHETSIKAO REHEFA MIHETSI-JAZA

Marary tokoa ny mihetsi-jaza. Voalohany aloha dia tokony efa voahomana tsara daholo ny entana hoentina mamonjy hôpitaly dieny mbola tsy mihetsika ny zaza izany hoe rehefa manomboka ny hoe "miandry andro" ianao

Ny vahona

Vahona Efa ela be tany aloha tany no efa fantatra fa tena mahasoa tokoa ny fampiasana ny vahona na aloe vera na koa hoe aloès. Ny antsoina hoe latex izay azo avy amin'ny hoditry ny vahona sy ny gel, ilay tsiranoka azo avy amin'ny nofony no tena ilaina amin'izany ary aty amin'ny tany mafana toa an'i Madagasikara izao dia tena betsaka azy mihitsy. Maka tahona vahona iray ianao, potserina tsara hivoaka ny ranony ary ilay maditidity somary maitso iny no gel.