Accéder au contenu principal

HIALA COUCHES NY ZANAKO

Niala ary ny couchesn'ny zaza. Niandry 1, 2, 3 andro, mbola mandoto ny kilaoty ihany ny zaza.. Tsy midika akory izany hoe tsy mahay ianao reny.
Fa mila fantarinao tsara hoe efa afaka ny hanao maloto anaty pô tokoa ve ilay zaza. Misy fotoanany ny zavatra rehetra. Ary mila fotoana koa ny zaza ahafantarany tsara ny tadiavinao reny atao. Raha mandinika ianao, dia hitanao fa tsy dia manahirana ny zaza loatra na dia misy maloto aza ao anatin'ny couchesny ao (raha tsy dia ela ianao manolo azy). Tsy tsapan'ny zaza velively hoe maloto io zavatra avoakany io. Kanefa isika lehibe dia mahalala fa tokony any amin'ny WC no anariana io maloto io.
Ary ny fihetsika ataontsika reny manoloana izany no fitaovana ahafantarany miandalana hoe maloto amin'ny fomba fitenintsika hoe "masiso!!" sns... Mila teneina tsara fotsiny izy hoe nikaka ianao ary tokony natao tanaty pô ilay izy. Miha fantatry ny zaza amin'izay fa maloto tokoa izy rehefa mikàkà na mipipy. Ary miha-tonga ao aminy koa ny fahamenarana satria maloto. Manomboka tsapany ihany koa fa misy taova famoahana maloto ny vatany; any amin'ilay hivoahan'ilay masiso. Lasa menatra, na matahotra ny zaza amin'izay ka sarotra ny ampianatra azy hanao amin'ny pô.

Andramo mba tsy ho hitany hoe kiriko amin'ny malotony ianao, tony tsara ianao mampianatra azy mankeo ambony pô, tsy mikitakita, tsy terena koa izy fa lasa miandry anao hanery azy hanao maloto foana izy vao hanao izany na dia efa 5 taona aza, fa ampianarina hoe miteny raha vao te hipipy na hikaka. Ho hitanao fa vetivety dia hainy ny hadio. Ary tsy miandry herinandro akory dia ho vitany izany.
2 taona ny taona idealy hahafahan'ny zaza iray hanao maloto amin'ny pô, nefa tadidio fa tsy mitovy ny zaza rehetra fa samy manana ny toe-tenany avy.

Commentaires

Posts les plus consultés de ce blog

MITONDRA VOHOKA AHO: ireo singa ahafantarana azy

Tsy tonga ny fadimbolana: Rehefa bevohoka ny vehivahy dia ny fadimbolana no tsy miverina intsony raha tsy fotoana lavalava aorian'ny fiterahana indray. Rehefa tsy tonga herinandro izy io dia ny "test de grossesse" no tsara indrindra hanamafisana azy fa tena vohoka tokoa no mahatonga ny fadimbolana tsy tonga indrindra moa fa raha tena ara-potoana foana ny fandehanany talohan'izay. Ireto anefa misy antony vitsivitsy mety ahatara ny fadimbolana nefa: - tara na tsy nisy ny fotoana naha lonaka izay mety ho vokatry ny rarin-tsaina na "stress". Ny ankizivavy vao tonga fotoana voalohany sy ireo vehivavy efa misimisy taona (45ans) - ny fanajanonana ny fandrindram-piterahana   Ireto ary ny singa ahafantarana tokoa fa mitondra vohoka ny vehivevy iray: 1* Mivonto sy somary maharary ny nono:

NY FIHETSIKAO REHEFA MIHETSI-JAZA

Marary tokoa ny mihetsi-jaza. Voalohany aloha dia tokony efa voahomana tsara daholo ny entana hoentina mamonjy hôpitaly dieny mbola tsy mihetsika ny zaza izany hoe rehefa manomboka ny hoe "miandry andro" ianao

Ny vahona

Vahona Efa ela be tany aloha tany no efa fantatra fa tena mahasoa tokoa ny fampiasana ny vahona na aloe vera na koa hoe aloès. Ny antsoina hoe latex izay azo avy amin'ny hoditry ny vahona sy ny gel, ilay tsiranoka azo avy amin'ny nofony no tena ilaina amin'izany ary aty amin'ny tany mafana toa an'i Madagasikara izao dia tena betsaka azy mihitsy. Maka tahona vahona iray ianao, potserina tsara hivoaka ny ranony ary ilay maditidity somary maitso iny no gel.